Premio Buber

Premio Buber

Elkarteak.info webak saria jaso du Internet & Euskadi Buber Sarien 11. edizioan. Internet & Euskadi elkarteak sustaturik, lehiaketa abenduaren 12an egin zen Arabako Teknologia Parkeko Auditorioan, non 2013ko Buber sariak eman baitziren. Sariok euskal internauten lana aitortzen dute hainbat arlotan. Horrela, Elkarteak.info “weba edo aplikazioa software librea” arloan izan da saritua.
Arabako Saregune-Sartuk dinamizatua eta Gasteizko Udaleko Herritarren Parte-hartzeak finantzatua, proiektua 2009an abiarazi zen. Tresna erabilgarria da Gasteizko elkarte-mugimenduarentzat, hiriko elkartegintzaren aniztasun, aberastasun eta bizitasunaren adierazgarri.
Gaur egun, 220 elkarte baino gehiago daude sarturik lankidetzazko tresna horretan, eta boluntariotzaren inguruko ekitaldiak, albisteak, eta eskaintzak nahiz eskariak gune berean agertzen dira, gure hirian dagoen elkarte-jardueraren erakusgarri.

Jardunbide egoki europarra

Jardunbide egoki europarra

IKTeen arloan Europan gizarte inklusio eta kohesiorako antolatua dauden praktiken eta politiken biltegian sartzea ahalbidetzen duen datu-basean gara partaide. Unite IT proiektuak lehiaketa baterako deialdia egin zuen uztailean, bere datu-basearen jarduerarik onena aukeratzeko. Ez gaituzte finalisten artean bereizi, baina biltegi handi horretako kide gara.

RAISE4e-Inklusioa

RAISE4e-Inklusioa

Saregune beste 30 hautagairen artean aukeratu dute RAISE4e-inklusio proiektuaren lehiaketa europar batean, “Leonardo Da Vinci Multilateral Projects, Transfer of Innovation” Irakaskuntza Etengabeko Programaren baitan. Lehiaketa horrek pertsona dinamizatzaileek e-inklusioaren alde darabiltzaten jardunbide egokiak saritzen ditu.
Raise4e-inklusio ekimena Europako bost herrialdetan egin da, eta haietako bakoitzean, bi jardunbide egokirik onenak aukeratu dira. Gasteizko proiektua beste 30 proiekturen artean bereizi da, La Rueca elkarteko Salud Digital proiektuarekin batera.

Internet 2012ko Sariak

Internet 2012ko Sariak

Estatu osoko eta Latinoamerikako 700 proiektu aurkeztu ziren. Internet Erabiltzaileen Elkarteak Sareguneri eman zion saria Telekomunikazioen eta Informazio Gizartearen Nazioarteko Egunean; irabazi-asmorik gabeko ekimen Onena aintzat hartzeko saria, hain zuzen.