Wikipedia Euskaraz Blai: euskarazko wikipedian zientzia-edukiak sortzeko lehiaketa

Berandu bada ere, ez dut hain interesgarria iruditzen zaidan lehiaketa
honen berri emateko aukera galdu nahi. Interesgarria diot, euskal
wikipedia zabaltzen laguntzeaz gain, sarean hain urriak diren
euskarazko zientzia edukiak loditzen ere mesedea egingo duelako.
Sariketa hau 2007ko Zientzia Astearen edizioaren barruan antolatu da (ikus arauak) eta, aipatu dugun bezala, helburu nagusia Wikipedia euskaldunentzat zientzia-edukiak sortzea da.
Deialdia DBH, Batxilergo eta Lanbide Heziketako ikasle eta irakasle
zein Unibertsitateko ikasle eta publiko orokorrari zuzendua dago. Izena
emateko epea urriaren 15ean zabaldu zen eta dagoeneko parte-hartzaile
ugarik dihardu lanean (ikus zerrenda osoa).

Ekarpenak
aurkezteko epea 2007ko azaroaren 4an, 24:00etan, amaituko da. Hala eta
guztiz ere, antolatzaileek adierazi duten moduan, Wikipediaren
barneko funtzionamendua kontuan harturik eta azken orduko arazoak
saihesteko asmoz, ekarpenak hilabetean zehar egitea gomendatzen da.
 

Sigue leyendo

Finlandia eredu III: Ikasleak

Ordiziako  Jakintza Ikastolako IKT taldearen IKTeroak blogean aurkitutako artikulu interesgarria Finlandiako hezkuntzaren inguruan. Hemendik gomendatzen dizuegu blog hau bisitatzea gauza interesgarriak baitditu.
Hona hemen artikulua:

Ume eta nerabeak berdinak dira leku guztietan. Halaxe diote
batzuek, behintzat. Nik ez dut uste hori egia denik, ez behintzat
hezkuntzarekin zerikusia duten hainbat faktoreetan. Finlandiako
ikasleen inguruko informazio honetan ikus ahal izango ditugu zein
berezitasunak dituzten Ipar Europako ikasle horiek.

 Tontakeri” batekin hasiko naiz, baina “tontakeri”honi
esker, egoera oso bestelakoa da Finlandian: Finlandiako agintariek
euren Hezkuntza Sistemaren ardatza zein izan behar zuen
erabakitzerakoan, ezagutzen aurretik ikasleak jarri zituzten. Ikasle zoriontsu eta aske batek, ezagutza errazago barneratuko du; hori ez da pedagogo baten ideia, Finlandiako hezkuntzako agente guztiak gidatzen dituen irizpidea, baizik.

Sistemak
era guztietako ahaleginak egiten ditu ikasleak etxean bezala egon
daitezen. Etxea eta ikastetxeen arteko dibergentziak saihesten dira.
Ikastetxeetako eremuek giro atsegina sortzen dute eta nabaria da
ikasleek erakusten duten errespetua, guneak txukun eta txikiziorik gabe
mantenduz. Oro har ikastetxe txiki edo ertainak dira (300-400 ikasle
LHkoetan eta 400-500 Bigarren Hezkuntzakoetan), honek gertutasuna
eskaintzen du eta irakasleek ikasle guztiak ezagutzen dituzte. Hori
dela eta, euren arteko harremanetan oso giro ona eta konfiantza handia
sumatzen da, hori bai, elkarrekiko errespetua ez da inolaz ere galtzen.

Finlandiako hezkuntza sistemaren inguruan gehiago irakurri nahi baduzu badakizu non klikatu. http://ikteroak.blogsome.com/2007/06/04/finlandia-eredu-iii-ikasleak/