Saregune - Cursos de Informática Gratuitos en Vitoria-Gasteiz con Software Libre

Dibertsitatean lankidetzaz lanean

Gaur egun aski eta sobera dakigu zeinen onuragarria den dibertsitatean lankidetzaz lan egitea; jakin badakigu balioa ematen diola gure egunerokotasunari makina bat kontutan;

(more…)

Elkarteentzako Zerbitzuak

Hirugarren Gizarte Sektorean ez dira teknologiaz jabetu, ez baitzaio ematen arlo horrek duen garrantzia, eta ez dira haren potentzialtasunak erabiltzen. Beraz, afera hori ez da oraindik moldatu.

(more…)

Zer egiten dugu

ELKARTEENTZAT

Elkarteek eta taldeek bidelagun gaituzte IKTeen erabileran eta haietan trebatu bitartean. Neurriko prestakuntzaren bidez, bakoitzaren beharren arabera, edota elkarrekin haien esparru edo profil digitalak sortuz edo haien irudi grafikoa osatuz.

SOFTWARE LIBREA ERABILITA

Hasieratik, software librea erabiltzen dugu, eta esan dezakegu tresna teknologiko ezin hobea dela lan egiteko eta IKTeak jende guztiarengana hurbiltzeko, hainbat arrazoi direla medio: haren filosofia, balioak eta lizentziak!

E-INKLUSIOAREN ALDE

Teknologia era ulergarrian jende guztiarentzat. Horixe dugu xede, eta haren erabilerak eta potentzialtasunak irakatsi eta erakusten dizkiegu adinekoei, emakumeei, migratzaile eta gazteei…. Azken finean, hesiak hausten ditugu!

AUZOAN

Gasteizko Alde Zaharra da gure kokapen geografikoa. Baina, aldi berean, auzo honetan kokaturiko talde eta erakundeen sareetan parte hartzeko eta lan egiteko aukera ematen digu, auzo aberatsa, askotarikoa eta oparoa baita auzokideen ekimen eta mugimenduetan.

PRESTAKUNTZAZ JARDUTEA

Prestakuntza da trebetasunak, ezagutzak eta gaitasunak hobetzeko gakoa, jendeak horien bidez lortzen edo hobetzen baitu enplegua. Horregatik eskaintzen dugu prestakuntza IKTeetan, hainbat motatan eta mailatan. Enplegurako gure prestakuntzak Lanbiderekin batera egiten ditugu, eta halaber, herritarrentzako prestakuntza eskaintza egiten dugu.

ENPLEGURAKO

Saregunen eskaintzen ditugun zerbitzuak enplegurako gure prestakuntzak jaso dituzten pertsonek egiten dituzte, eta lan kontratazio baten bidez dihardute. Eskuratutako trebetasun, ezagutza eta gaitasunak jartzen dituzte praktikan, gizarte onurak ere eskuratzen dituzte, eta beren enplegugarritasuna hobetzen dute, bai eta curriculuma ere, eta ederki erakusten dute teknologia berrien sektoreak ez duela izan behar soilik goi kualifikazioko profila duen jendearen lan esparrua.

Taldea

Ainara Pérez

Zoriontsu naiz bokazioa, Heziketa Soziala, bat egitea teknologiarekin, nire zaletasunetako bat dena.

Hamarkada bat baino gehiago daramat teknologia pertsonei hurbiltzen, bereziki zaurgarritasun-egoeretan dauden taldeei lagunduz eta jabetze teknologiko prozesuetan dauden elkarteak lagunduz. Beti pertsonentzat eta kolektiboentzat bizi-kalitate handiagoa bilatuz.

Aniztasuna eta sare-lana, software libre edo elkarlaneko-kultura bezalako beste kontu batzuekin nahasten dira nire egunerokoan.

Esti Cáceres

Niretzat gozamen hutsa da jende guztiari sare digitala azaltzea eta ulergarri egitea, eta horri esker, aukera dut jendearekin banaka eta taldeka jarduteko.
Nire lan tresnak software librea eta IKTeak dira, eta balioak, berriz, komunitatea eta lankidetza.
Etiketei gorroto diet eta DIBERTSITATEAN eta BERDINTASUNEAN sinesten dut, gure gizartearen balio nagusia baitira.
Nitaz esaten omen dute egun eguzkitsuetan erraza dela ni parke edo plazetan paseoan edo sare-lanetan ikustea.

Zertan nabilen jakin nahi baldin baduzu, irakurri TRAOLA

Raúl Pérez

Web fullstack garatzailea: #PHP #SQL #Javascript #HTML #CSS
🧑‍🎓 Frontend devs prestatzailea @lanbideejgv
🐧 Linuxer, Open Sourcerer
🥷 WordPress-en aditua

Nire lanak, ikastaroak eta tutoretzak ikusi nahi badituzu, jarrai iezadazu http://raulperez.tieneblog.net/ -etan.