Podkaraz: Euskarazko Podcasten I. Erakustaldia

 Podkaraz

Euskarazko Podcasten I. Erakustaldia  

 

Infozazpi irratiak, UEUko eta EHUko Kazetaritza Sailekin elkarlanean, euskarazko podcasten lehen Erakustaldian parte hartzera gonbidatu nahi zaitu. Izan ere, podcastlariak behar ditugu Euskal Herrian!
Amarauneko azken aurreko sukarra ditugun arren, euskarazko podcastgintza ahul samar dabil oraindik. Egoera hori astintzeko eta geure artean podcastgintzaren kultura indartzeko antolatu da, hain zuzen ere, erakustaldi hau. Irratia kartara eta euskaraz izatea guztion esku dago, podcastlari bihurtzea besterik ez duzu horretarako, eta gauza benetan erraza da!

Erakustaldian parte hartzeko baldintzak

Edozertaz edo edozeinetaz soinu-erretratu bat egitean datza lehen edizio honetako baldintza. Egoera bat agertarazi, pertsona bat deskribatu, denok egin eta inor onartzera ausartzen ez den hori kontatu… Nahi duzuna, baina atera diezaiogun errealitateari – norberarenari- soinu-argazkia!
Podcasten iraupena 3 eta 5 minutu bitartekoa izango da. Luzeagoak bidaltzeagatik, hala ere, ez da inor kanpoan utziko.
Izen ematea eta epea
Erakustaldian parte hartzeko, e-posta bat bidali behar da ondoko helbide honetara: podkaraz@info7.com
Epostan erantsi beharreko informazioa:
* podcastaren izenburua
* MP3 fitxategia zintzilik dagoen guneko url-a edo lotura
* egileraren datu pertsonalak

 Erakustaldian parte hartzeko azken eguna maiatzaren 15a izango da.

Sigue leyendo

GNU/Linux software askearen ikastaroa

    

Software libreak azken
urteetan izan duen garapena izugarria izan da. GNU/Linux sistema,
Apache web-zerbitzaria, PHP lengoaia edota MySQL datu-baseen
kudeaketa-sistemak arrakastaren izen ezagunenak dira. Mahai-gaineko
aplikazioetan oraindik bigarren mailako lehiakide bada ere zerbitzarien
munduan lehen mailako protagonista bihurtu dira aipatutako programak
eta beste batzuk. Gainera, administrazioek bultzatu nahi dute mugimendu
hori eta enpresetan arlo honetako profesionalen falta sumatzen da.

Bide horretan heziketaren papera oso garrantzitsua da. UEU eta ASMOZ
euskal erakundeek heziketa-arlo horretan dagoen gabeziaz jabetuta, eta
formazio ez-presentzialak eskaintzen dituen aukerez baliatuta ikastaro
hau diseinatu dute 2. urtez.

Ikastaroaren ikuspuntu
praktikoari eutsirik, gertuko tutoretzari garrantzi berezia eman zaio.
Horrez gain, modulu bakoitzean 4 orduko saio presentzial bat egongo da,
zalantzak eta ariketak argitzeko, zein praktiken martxa arintzeko.

Sigue leyendo